Ամերիկյան հումանիտար համալսարանի Հայաստանի մասնաճյուղի խորհրդի նախագահ
Պրոֆեսոր Սեդրակ Սեդրակյան
Բարի գալուստ Ամերիկյան հումանիտար համալսարն (ԱՀՀ)` ամերիկյան ժամանակակից կրթության չափանիշներին համապատասխանող համալսարան:
ԱՀՀ-ում մենք գիտենք` որքան էական և կառուցողական կարևորություն ունի կրթությունը ձեր ապագան ապահովելու համար: Ամերիկյան Հումանիտար Համալսարանը հիմնադրվել է ուսանողների երազանքներն իրականություն դարձնելու, ինչպես նաև բարեկեցիկ ու երջանիկ կյանքի դռները նրանց առջև բացելու նպատակով, որին արժանի է յուրաքանչյուր ուսումնատենչ անհատ:
Հավատում եմ, որ լավագույն արդյունքների կարելի է հասնել միմիայն սովորելու ազատության միջոցով` որակյալ դասավանդման և կրթական աջակցության հետ մեկտեղ: Համալսարանական կրթությունն այնպիսի միջավայր է, որտեղ անձին հնարավորություն է տրվում հասկանալու առաջադրված խնդիրները, որոնելու և գտնելու ճշգրիտ լուծումներ և շարունակական կրթության միջոցով ստանալ հիմնարար գիտելիքներ, որոնք կարող են կիրառվել անձի ողջ կենսագործունեության ընթացքում: Մեր ուսանողների ընդունակությունները և կյանքի հմտություններ զարգացնելուց բացի, մեր ամենակարևոր նշանակետն է ուսանողին ստեղծագործական աշխատանքի ուղղորդելը:
«Մեզանից ոչ մեկը այնքան խելացի և հաջողակ չի կարող լինել, որքան բոլորս միասին»: Համալսարանական միջավայրում մենք մեկ ուսումնական ընտանիքի անդամներ ենք: Մեր ընտանիքի յուրաքանչյուր բաժին` ֆակուլտետ, ուսանողական մարմին և վարչական հարցերով աշխատակից, ձայնի հավասար իրավունք ունի: Մենք հոգով և մարմնով ամբողջովին կապակցված ենք մեր հաստատության հետ առօրյա կյանքի յուրաքանչյուր պահին: Լավագույն արդյունքների հասնելու համար մեր ուսանողներին խրախուսում ենք ոչ միայն ջանասիրաբար սովորել, այլև վայելել համալսարանական կյանքը և հաճույք ստանալ բոլոր տեսակի ֆիզիկական աշխատանքներից և ամենատարբեր փորձություններից: ԱՀՀ-ն կրթական և մշակութային կամուրջ է դեպի ձեր վաղվա օրվա իրական աշխարհը: Մեր ուսանողները բացառիկ հնարավորություն ունեն ոչ միայն աշխարհի տարբեր ծայրերից այլ ուսանողների հետ շփվելու, այլև ուսանելու աշխարհում հնագույն պատմություն և մշակույթ ունեցող երկրում և միևնույն ժամանակ ուսուցանվել անգլերեն լեզվով` հումանիտար կրթության բարձրագույն միջազգային չափանիշներին համապատասխանող ժամանակակակից կրթական միջավայրում:
Կրթություն և ժամանակակից կյանքի իրադրությունների փորձառություն ունենալու նպատակն այն է, որ այն կդարձնի ձեզ այս հարափոփոխ հասարակության հաջողակ և լիիրավ անդամ: Ձեր բարձրագույն կրթության ամենանշանակալից ձեռքբերումն այն է, թե այն ինչպիսի դրական ազդեցություն կունենա ձեր, ինչպես նաև ձեր ընտանիքի և միջավայրի հետագա կենսագործունեության վրա: Մենք այստեղ ենք` ձեզ և մեր բոլոր ուսանողներին բազմակողմանի զարգացած, խորագիտակ անհատներ դառնալուն աջակցելու և օգնելու նպատակով:
Մաղթում եմ ձեզ ամենայն բարիք, մեր սիրելի ուսանողներ` 21-րդ դարի ապագա առաջնորդներ:
Աստված օրհնի ձեզ